Iko via volia saraga e dua na koro taucoko? Wilika sara qo!
Written by Atu Kurumudu on November 11, 2022
Eda dau rogoca ga ni volitaki na vale kei na kena lomanibai. Ia, vakaevei ke tukuni vei iko mo volia e dua saraga na koro? Qori nai tukutuku dina – Rogoca qo , e volitaki tiko na koro ko Salto de Castro ka toka ena Vua-I-Ra kei Spain ka kena isau e €260,000 (£227,000; $259,000).
Koro oqo e toka ena i yalayala ni vanua se border ni matanitu e rua o Portugal ena yasana o Zamora ka tolu ga na auwa mai Madrid. E tiko kina e 44 na vale. dua na otela.valenilotu, koronivuli,swimming pool kei na vica na bareki.
Ia, e sega ga ni dua e tawana tu nira sa yali kece na lewe ni koro oqo. Tukuni ni sa lala tu mai ena loma ni 30 na yabaki sa oti.
Na itaukei ni koro oqo a volia taumada ena yabaki 2000 ni a lomana me veisautaka me vanua ni nodra gade na vulagi saravanua , qai mai cala na nona ituvatuva.Gauna sa biu cake kina ena monalivaliva ni sa volitaki tale tiko , voleka ni 300 era sa gagadre yani kina ka dua e sa biuta saraga yani na uma ilavo me kena i vakadei. So vei ira na via volia era tiko sara mai Rusia, Belgium,Varanise kei Peritania.
source:
