KACI TIKO NA HUMAN RIGHTS E NA KENA GADREVI ME TAROVI NA BENUCI NI NODA WASAWASA MAI VEI JAVANI

E ratou sega ni duavata na Human Rights kei na Anti-Discrimination Commission e na vakatulewa e vakayacora na matanitu o Javani e na kena sovaraki na nodratou nuclear wastewater e na noda wasawasa na Pasivika, ka sa kaci tiko na Human Rights Commission vei ira veiliuliu ni matanitu e na Pasivika mera duavata e na kena saqati ka tarovi na benuci ni noda wasawasa e na waica ka sovaraki mai vei Javani.

E vakaraitaka na Jemeni ni Commission, Pravesh Sharma ni tiki tale tikoga ni noda dodonu na lewenivanua oya na kena gadrevi me maroroi ka me kakua ni benuci na noda wasawasa.