KACIVAKI NA TIMI NI DRUA ENA SOTA KEI BRUMBIES
Written by Atu Kurumudu on February 24, 2022
5 na veisau e mai vakayacora tiko na dauniveivakatavulici ni timi ni Swire Shipping Fijian Drua o Mick Byrne ena timi ena tekivu tiko ena nodratou na sota kei Brumbies ena macawa oqo ena sotasota ni Super Rugby Pacific.
Ena tekivu tiko ena tutu ni loosehead prop o Kaliopasi Uluilakepa, kana sosomitaki Jone Koroiduadua. Ratu Rotuisolia ena tiko enai tutu ni loka. O rau na cauravou oqo, e matai tiko ni nodrau qito ena sotasota ni Super Rugby Pacific.
Ena tekivu tiko enai tutu ni flanker o Vilive Miramira, Caleb Muntz ena tiko mai enai tutu ni flyhalf, ka tiko enai tutu ni wing o Onisi Ratave.
Drua ena sota kei Brumbies ni vo e 25 na miniti me 4 ena yakavi ni Vakarauwai qo.
