TOSO CAKE TIKO GA NA I WILIWILI ERA MAI LEQA ENA MATE NA LEPTO MAI NA MUA I RA.
Written by Maria Solomone on February 24, 2022
Ena kena vakilai mai na mua i ra na mate na Leptospirosis,e laurai ni toso tiko ga na lewe ni vanua era curu e valenibula kei ira na sa mai leqa tale ga kina.
PC: nadihospt.org
Rauta ni 162 na kisi e ciqomi rawa ena yabaki qo,ka rauta e 17 era sa mai leqa ena mate qo mai mua i ra ni noda vanua,kei na 1 e sa qai leqa ga ena Moniti ga qo.
E 110 na kisi e tauri rawa ena wasewase e loma,67 ena Vualiku ka 8 ena tokalau.
Vakadeitaka na Vunivola tudei ni tabana ni bula-Vuniwai James Fong ni kisi kece era vakadeitaki qo mai na yabaki 1-39,ka rauta ni 61% na tagane,39% na marama.
E kaya ni tiko sara kina na kauwai me baleta na i wiliwili e mai ciqomi qo mai na mua-i-ra.
E 108 era curu e valenibulaena vuku ni mate na leptospirosis mai na mua i ra ena yabaki qo.
27 era curu ena valenibula mai Rakiraki,ka 19 ena macawa sa oti.
Mai na Valenibula mai Ba e 19,e 5 sa qai curu ga ena macawa sa oti.
Nadroga/Navosa subdivision e 14 vakadeitaki ni ra curu kina, 5 era sa qai curu ga na macawa sa oti.
Ena Valenibula mai Nadi vakadeitaki e 9 era curu kina, 5 curu ena macawa sa oti.
Mai Tavua era curu kina 5 kei na 4 ena macawa sa oti.
Ia, e 52 taucoko na lewe ni vanua era curu ena vuku ni mate naLeptospirosis mai na Valenibula e Lautoka.
Sema tiko gamai ena Vitifm
source:fijivillage.
