KACIVI NA NONA BULA E DUA NA DAU LAGASERE ENA NODA VITI.
Written by Mika Qalobula on August 1, 2022
E sa mai kacivi na nona bula o Lote Cokanasiga,e dua na dau lagasere ena noda vanua ka dau totoka sara na domona ni dau veivakamarautaki.
E mai leqa ni oti e dua na tauvimate lekaleka ka tauvi koya voli.
O Lote Cokanasiga e cavutu mai na koro vakaturaga o Nasau,Koro mai Lomaiviti,ka ratou tauyavutaka na matasere na ‘CAUCAU NI DELAI NA KULAKULA’,ka a liutaka na Turaga na nona i tubutubu Turaga,o Isimeli Cokanasiga.E ratou lagasere vata kina kei rau na tacina o Semi Kaitani kei Pate Cokanasiga, ka vaka talega kina o Mitieli Naivalu.
Ni oti o ya sa qai mai lewena yani na matasere na ‘SAVU NI DELAI LOMAI,’ka liutaka na tacina o Semi Kaitani,kei Lepani Cokanasiga,ka dau taleitaki na nodratou dau vakatara, ni dau bula kina na soqo me yacova tiko mai nikua.
E tiko nai tuvatuva me na laki vakadavori sara i na nona koro mai Nasau na yagoi Lote me vaka ni rau se bula tiko mai kina na nona i tubutubu,o Isimeli Cokanasiga kei Akanisi Cokanasiga.
Vakarorogo mai ena VITIFM 92.2FM,92FM kei na 92.6FM.
VITIFM – E KAMICA QAI KACHI !!!
