KACIVI NA NONA BULA NAI LIULIU NI MATASERE NA LIGOLIGO NI DELAI WAITABU

E sa mai kacivi na nona bula nai liuliu ni matasere na ‘LIGOLIGO NI DELAI WAITABU’,o Mosese Yasa,enai ka 6 ni siga ni vula oqo o Janueri, ni oti e dua na tauvimate lekaleka.

Na turaga oqo e cavutu mai na koro vakaturaga o Waitabu,Lakeba mai Lau,ka mai leqa ni sa yabaki 56.

E a curu ka veiqaravi voli ena Tabacakcaka ni Ovisa,mai na 1989,ka soli kina vua na Batton of Honnor ena gauna ni nona recruit.

Ni oti mai na nona veiqaravi vaka ovisa,sa qai vakila ni tiko vua na taledi ni dau buli sere,ka mani mai tauyavutaka sara kina e dua na nona matasere na ‘LIGOLIGO NI DELAI WAITABU’.E a buli sere talega o koya ena matasere na ”MOLI KULA’,na nodratou matasere na lewa Moli,mai Matacaucau,Namalata,Tailevu ena i matai ni nodratou katokatoni.

Sa qai mani laki vuli vakatawa o koya,ka mani mai veiqaravi toka ena Tabacakacaka o Nacovu mai Naimasimasi,Tailevu,ka mai vakilai kina vua e vuqa na mate,ka mani mai vakacegu ena nona i tutu vaka i Vakatawa.

E sa qai laki tiko voli ena nona i tikotiko me yacova ni sa vakilai ni sa bi vua na mate ni Ivi,ka tauvi koya tiko,me yacova sara ni laki rawati koya.

E vakawati e na koro vakaturaga o Matacula,Namalata mai Tailevu,ka ratou se bula tiko ena gauna oqo,na marama na watina o Setaita Matewale,kei na 6 na nodrau i solisoli.

Sa qai mai vakotori vakadua na yagodra,ena i bulubulu mai Nasinu enai ka 14 ni vula oqo,ka sa dua na ka kena mositi ira na wekana,na nona sa mai yali,ena vuku ni nona i vakarau ni dau veikauwaitaki kei na loloma,ka kuria na nodratou rarawa  na veitinani,ena nona sa mai yali nai liuliu ni vuvale ka i nuinui.

VITIFM 92.2FM/92FM/92.6FM.

Source -Mrs.Seta Matewale Yasa.