Current track

Title

Artist

Background

SERE VOU-NUKUVULA-VOQA KEI WAITADRALAGI

Written by on January 24, 2023

“VOQA KEI WAITADRALAGI”-Oqo edua na matasere ka cavu sara tu mai ena  yanuyanu o Yaveya,mai Vanua balavu ena Yatu Lau.

“NUKU VULA”-Oqo na sere me baleta saraga na yanuyanu vakaturaga o Yaveya,kei na veika eso e kilai tani tu kina.

E talonoa taki kina e vica na vanua ka tu na kedrai vakananumi ena yanuyanu oqo.

1-DARU SIRO SOBU I MATANIWAI-Oqo e dua na tobu ni sisili era dau mai sisili kina ni ra lesu mai ena nodrai teitei ena veigauna kece sara.Ni oti na nodra sili,era na dara tale na nodra suwai vata ga era a dara mai ka ra gole yani kina nodra vale.

2-UCUI SA LAKO-Oqo e dua na ucuna ena baravi totoka e kea,ka ra dau laki gagadi tu kina ena gauna era dau vakacegu kina se ra dau vakacagicagi kina.Ena baravi vata oqo,edau tukuni na gauna era dau vakacegu tiko kina,ka ra qai dau boica tu nai boi ni Yasi ni dau cerekuva tu mai na kena i boi.

3-O RAKALAVO MAI NA VEIDABIBI-E dua na turaga ni Naitasiri a laki veiqaravi tu vakaqasenivuli e Yaveya,ka yacova saraga ni kacivi na nona bula,ka sa mani bulu tu ga na yagona ena i bulubulu ni Yavusa o Delaiyaviti.

4-BACI TERAMA TOKA O TAVALE-Ena gauna era dau gunu yaqona kina mai Yaveya,me vaka ni sega ni levu sara na yaqona,ena gauna era sa dua vakamaca kina,sa qai dua ena qai terema mai,ia,era sa kila vinaka tu na kenai balebale ya me Tuki tale na Kosa me lose tale mada.

5-BULU KOTO NA LOVO NI KAIDIA-E dua na turaga ni Idia ka dau kilai tani ena seresere [Mechanic],ka veiqaravi tale tikoga e Yaveya.Na levu ni nona dau cakacaka kei na seresere,lako vata kei na nona dau gunu yaqona,ena gauna dau moce kina,sa dau vakavuna me dau moce lutu ka rawa ni laki yadra sara mai ena yakavi ni siga ka tarava.

VITIFM 92.2FM/92.6/92FM

Source-Voqa Kei Waitadralagi.


Reader's opinions

Leave a Reply

Your email address will not be published. Required fields are marked *