KACIVI NONA BULA NA PERESITEDI MAI NA UNITED ARAB EMIRATES.

Vakaraitaka na tabana ni vola i tukutuku mai Dubai na Emirati State News Agency WAM ni sa mai kacivi na nodra bula na Peresitedi mai na United Arab Emirates ena Vakaraubuka.

United Arab Emirates President Sheikh Khalifa bin Zayed Al Nahyan

Kacivaka na tabana Vakamatanitu mai kea,ka qarava tiko na vale ni volavola nei Peresitedi ni ra na vakaloloku tiko me 40 na siga,ka na veimama toka na kena cecebuya tiko na kuila ni matanitu,ka na sogo tiko me 3 na siga na vale ni volavola ni tabana vakamatanitu mai kea,kei na veikabani,ka vakaraitaka tale ga na akaude ni Twitter ni Emirati State News Agency.

Vakaraitaki tale ga ni a tauvimate voli ga na Peresitedi ni oti na kena tauvi koya na Stroke ena 2014,ka se sega tiko ga ni bula vinaka,me yacova mai na Vakaraubuka ka sa mai leqa kina.

Vakaraitaka na MBZ ena Twitter ni o UAE e sa vakayalia dua na luvena dau veiliutaki vakadodonu ka dauloloma ka yalomatua.

Me vaka na Yavu ni Vakavulewa,na i Vukevuke ni Peresitedi ka ra Paraiminisita, Sheikh Mohammed bin Rashid Al Maktoumo sa na taura vakawawa toka na i tutu vaka Peresitedi kei na Vakatulewa e na matanitu o Dubai,me yacova ni ratou dabe na federal council,ka ratou na qai digitaka e dua me taura na i tutu Vaka Peresitedi.

Sa ra tekivu vakauta yani na nodra lolosi na vei liuliu ena matanitu vaka Arapea,oka kina na Tui mai Ijipita kei na Paraiminisita mai Iraki.

source:Algazeera