KAJI VAKADUA NA VT1S CONCERT

Era osota maina FMF Gymnasium e drau vaka drau na lewe ni vanua ena nodra mai duavata ena soqo levu ni lagalagasere ka vakatokai na VT1s concert.

Ni bera ni tekivu na soqo e a qera e dua na kena uca bi levu , ia e sega saraga ni vakayalo lailai taki ira na lewenivanua ena nodra yaco mai. Soqo ni vuvale nira laki ladelade tale toka na gone lalai kei na nodra marautaka toka na qase cake na yaqona ka volitaki toka ena gymnasium.

Era marau ka laga muria na veisere ka lagati toka kei na nodratou kurea toka na loma ni gym na band boys. Era mai sarava saraga ena matana votu na nodratou lagasere na noda dau ni vucu me vakataki Naomi,Ratu kei Ozz se o Isireli Osborne na cauravou ni Nasaqalau, Lakeba mai Lau qai kuria ni rau qai vesuka tale tu yani na mona nai lala e rua ,Tifa kei Ouch Mama.

Sega ni dua e toso me yacova sara ni sa oti na soqo totoka oqo ka ni voqa lesu tale tiko e daligadra na mai sarasara na qaqa ni sere lagati ka ra lagati voli me vaka na Taqaniika, Noqu Yalayala kei na so tale.

Tekivu na 6 qai cava na 9.