Current track

Title

Artist

Background

KAUWAI ENA KENA VOLITAKI NA NASINU SANGAM PRIMARY SCHOOL ENA 2.1 NA MILIONI NA DOLA

Written by on March 13, 2023

Eratou kauwai tiko na meba ni soqosoqo ni TISI Sangam ena wasewase o Nasinu na kena sa mai volitaki tiko na koronivuli na Nasinu Sangam Primary School, ka tiko na kenai sau ena 2 na milioni na dola.

Ena nona vosa tiko ena nodratou bose vakayabaki, vakaraitaka tiko na Presitedi ni soqosoqo o Yogeshwar Krishna nia vakatututaki ena 2017 me qaravi kina e dua na kena cakacaka, ka sa vakadonui, ka lai tauri talega mai kina e dua na dinau mai na baqe.

Tukuna o Krishna nia solia na baqe e 1.2 na milioni na dola, ia, ea sega ni vakaoti na cakacaka oqo.

Vakadeitaka o koya nira kidacalataka nisa volitaki se mortgage taki na koronivuli, kana gadrevi kivei iratou meratou na sauma e 18,000 na dola ena vei vula me saumi kina mortgage, ka sega ni tiko vua na koronivuli nai lavo oqo.

Tomana o Krishna niratou na bose tiko nai vakalesilesi e cake ni soqosoqo, karatou na vakaraitaka na tikina oqo kina nodratou soqosoqo levu na tikina oqo.

 

source : FIJI VILLAGE


Reader's opinions

Leave a Reply

Your email address will not be published. Required fields are marked *