KAUWAI TIKO NA PRIME MINISTER NI NODA VANUA ENA KENA TUBU TIKO NA KISI ME BALETA NA HIV/AIDS.
Written by Mika Qalobula on August 5, 2023
E sa kauwai tiko vakalevu na Prime Minisita ni noda Vanua o Sitiveni Rabuka ena vuku ni kena tubu tiko ena gauna oqo na kisi me baleta na HIV/AIDS,ka sa vakasalataka kina o koya na Vunivola Tudei ni Bula me na vakarautaka e dua na timi ena kena veiwaseitaki ena noda veitikotiko na veika me baleta na mate oqo kei na kena revurevu ena noda bula.
E kaya o Rabuka ni bolebole oqo e sega walega me na vakacolati kina na Minisitiri ni Bula, e tiko kece kina na noda itavi na Lewenivanua ena kena valuti na mate oqo, ka sa solia kina e rauta ni 1 na macawa vua na vunivola tudei ni Bula o Rabuka me vakarautaka mai na veika kece sara e gadrevi.
E kuria o koya ni matanitu esa tu vakarau me rogoca na veika era na kauta cake mai na vei Vunivola Tudei ni veitabana, ka sa na qai rawa ni tosoi kina na cakacaka, vaka kina ena gaunisala ni kena vakasaqarai na ilavo me vakayacori kina na veika oqo.
VITI FM 92/92.2/92.4/92.6FM-E KAMICA QAI KACHII!
I VUREVURE- FIJI VILLAGE.
