KAUWAI VAKALEVU NA TABANA NI OVISA ENA TUBU NI WILIWILI NI LEWE NI VANUA ENA NODA VEI TAUNI.
Written by Mika Qalobula on August 9, 2023
E sa kauwai sara tiko vakalevu na Tabacakacaka ni Ovisa ena noda vanua ena kena sa tubu sara tiko nai wiliwili ni lewe ni vanua e ra sa mai tu vakaveitalia tu ena saqata ni yasa ni noda vei koro lelevu.
Na nona mai vakamacala tiko ena i vatavata ni ‘VAKARIBAMALAMALA’ena VITIFM ena sigalevu nikua na vukevuke ni Komisina ni Tabana ni Ovisa o ACP Livai Driu,e tukuna kina ni sa sega walega ni tiko ena noda vei tauni oira nai taba gone,ia sa tiko talega e so nai taba qase,ka turaga qase duadua e sa maliwai ira tiko e yabaki 72.
E na nodratou vakadidike,e ratou vakasokumuna kina ni vuqa vei ira era sa sega ni sotava na loloma dina mai vale,ka sa vakavuna na nodra mai tu ena veisaqata ni noda veikoro lelevu.
Sa kerekere tiko o ACP Driu vei keda na lewe ni vanua kei na veitabana ni matanitu me da veivuketaka mai na tikina oqo,ka sa tuvani tiko e dua na kena i tuvatuva kei na matanitu me rawa ni wali kina na leqa levu oqo.
VITIFM 92.2FM/92FM/92.6FM – E KAMICA QAI KACHI!!!!
I vurevure – VITIFM FB PAGE LIVE (VAKARIBAMALAMALA)
