KAVETANI NI TIMI NI MARAMA ENA SUPER RUGBY O BITILA TAWAKE.

Esa mai digitaki Bitila Tawake me na kavetani taka na timi ni marama ki na sotasota ni Super Rugby na Fijiana Drua,ka kena i sevu vei ira na noda marama ena siga ni mataka ena sota kei na timi ni Rebels.

Bitila Tawake-pc:gettyimages.dk

E kacivaka na dauniveivakatavulici o Senirusi Seruvaskula e 19 na yaca mai na 23 na lewe ni timi digitaki,ka ratou sa dau qito oti ena sotasota mai vanuatani,ka ra sa bau lewena oti tale ga na sotasota ni Fijiana XV’s ena Rugby World Cup qualification na 2019.

Timi era digitaki qo eso era sa qito tiko mai valagi ka so era qito tiko ga ena noda vanua,me vakataki  Vika Matarugu, Jiowana Sauto, Sereima Leweniqila, Merewalesi Rokouono,Roela Radiniyavuni.

Na Fijiana Drua rau na calidi kei na timi ni  Rebels ena 5.30pm ni mataka mai na  Endeavor Hills Rugby Club Grounds e Malevani.

Ena so tale  na sota ni mataka,Reds kei na Western Force ena 8.35pm, Brumbies sota kei na  Waratahs ena 6.15pm.

Timi ni Fijiana Drua:  Vika Matarugu Jiowana Sauto Karalaini Naisewa Doreen Narokete Jade Coates Sereima Leweniqila Ema Adivitaloga Bitila Tawake (Captain) Rusila Tamoi Merewalesi Rokouono (Vice Captain) Vitalina Naikore Mela Matanatabu Litiana Lawedrau Kolora Lomani Roela Radiniyavuni Reserves: Mereoni Namositava Keleni Marawa Joma Rubuti Torika Vakalala Teresia Tinanivalu Rejieli Uluinayau Timaima Ravisa Temalesi Sigarara

Varorogo tiko ga mai ena Vitifm.

source:fijivillage