Kune na yago ni tamata ena dua na kato e Niusiladi.
Written by Atu Kurumudu on August 17, 2022
Era saga mera lesuva tale na ovisa mai Niusiladi na gaunisala a muria mai e dua na kato ni oti na nodratou mai raica e dua na vuvale na yago ni tamata ni tawa tu e loma. Ratou volia na kato na vuvale oqo ena dua na veivoli ka vakatokai na “auction” ena dua na vanua ni vale ni maroroi iyaya.
Sa tekivu yavala na tabana ni ovisa mai Okaladi ena kena raici lesu tale na i tukutuktu me baleti ira era a yali kei na kena sagai me kilai se o cei mada e tawa tu ena kato oya.
Vei ira na dau volia na veiyaya makawa vaka oqo , e dau sega na nodra gauna mera vakaraica vinaka nai yaya e volitaki ni bera nira volia.
E qai kilai ga nira sa tekivu boica tiko nai boi na vei vuvale kara tiko voleka ena nodratou vale na a volia mai na kato oqo. Kaya e dua ka dau veiqaravi ena vanua era dau maroroi kina na mate , ni gauna ga e boica kina o koya nai boi oya , sa vakadeitaka saraga ni iboi ni tamata mate.
Sa sagai tikoga ena gauna oqo me kilai se na yagoi cei ka tawa tu e loma , kei na taro levu era taroga tiko na tabana ni ovisa , na cava e vuni nona mate.
source:bbc
