Kuretaki Sichuan city na uneune kaukauwa – Jaina.
Written by Atu Kurumudu on September 6, 2022
Era mai leqa e 21 na lewenivanua ena uneune ka kuretaka na Ceva-I-Ra kei Jaina. Koto na kena kaukauwa ena 6.6 na magnitude.
Yavalata na Yasana levu o Sichuan na uneune oqo ka yaco rauta ni 10km [6miles] ena boto ni qele.
Tukuni nira bale na duru ni cina kei na kena sisi na veidelana.
Gauna mai yaco kina na uneune – a sa davo tiko mai na vakatatabu ni veitosoyaki ena vuku ni Covid19 ena koro turaga kei Sichuan ko Chengdu.
Era vakila ni sakure na veivale lelevu e Chengdu kei na taoni vakaitamera ko Chongqing, ka vakavuna na leqa ni veitaratara ena talevoni.
Na veika a mai yaco oqo – e kauta lesu tale mai na vakanananu ni veika vakadomobula a yaco ena uneune kaukau ka koto ena 8.0-magnitude na kena kaukauwa ka kuretaki Wenchuan ena 2008, kara mai mate kina e 70,000 na lewenivanua.
source:bbc
