LEQA NA DAUQITO 7’S NI SAMOA O KELLY MEAFUA NI LADE ENA WAVU NI OTI NODRATOU QAQA MAI VARANISE
Written by Atu Kurumudu on May 9, 2022
Leqa na dauqito leya vitu ni Samoa o Kelly Meafua , ena nona lade ena wavu ni oti na nodratou marautaka na nodratou qaqa mai Varanise. Cauravou yabaki 32 qo ka nona i tutu na flanker e lewena tiko na timi ni Montauban , ena nodratou marautaka tiko nodratou qaqa mai vua na timi ni Narbonne ena Siga Vakaraubuka mai Varanise ena Pro D2 second tier.
E ratou vakaraitaka na French news o Meafua kei iratou na lewe ni nona timi era marautaka tiko nodra qaqa ni bera ni lade yani ena wavu na Pont-Vieux bridge kina uciwai na Tarn ka rauta ni 20 na mita na kena cere.
E ra lolosi taka na lewe ni timi ka ra saga mera vukei koya kei iratou na dau ni boko buka me cicivaki i valenibula.
Kelly Meafua e lewena mai na timi ni Waratahs ena Global Tens tournament mai Brisbane ena yabaki 2018. Matai ni gauna e gole kina i Varanise ena yabaki 2015 me lai lewena na timi ni Narbonne ni oti na nona qito mai Okaladi .
SOURCE : STUFF.CO
