LESU TALE MAI NA MATANITU O KIRIBATI ME LEWE NI PACIFIC ISLANDS FORUM.
Written by Maria Solomone on January 31, 2023
pc-PINA
Sa na lewena tale na soqosoqo ni Pacific Islands Forum ena yabaki oqo,na matanitu i Kiribati.
Vakadeitaki na vakatulewa oqo ni oti na veitalanoa e rau vakayacora na Jemeni ni Pacific Islands Forum, ka Prime Minisita ni noda vanua o Sitiveni Rabuka kei na Peresitedi ni Kiribati o Taneti Maamau, na nodra a siko ena matanitu o Kiribati ena tekivu ni yabaki oqo.
Tiki talega ni nodra ilakolako o Rabuka oya me laki vakaraitaka na kere veivosoti kivua na matanitu o Kiribati, ni sebera ni vakayacori na nodrau veitalanoa kei na Peresitedi.
Vakatabakidua na nodrau veitalanoa na i liuliu e rua ena vuku ni kena gadrevi me vakaqaqacotaki tale nai sema ena matanitu e rua, vaka kina na kena vakalesui tale mai na duavata ena Wasa Pasivika, ena kena gadrevi me tosoi cake na vei-vakatoroicake-taki ka tiko ena tuvatuva ni 2050 ena Pasivika.
Ena vula o Jiulai ni yabaki sa oti, a vakasuka kina na matanitu o Kiribati,me lewe ni forum oqo,vuna levu na nodratou a sega ni vakaraitaka na kawai na forum me baleta na veimatanitu vaka Micronesian, vaka kina na kena digitaki na Vunivola ni Forum ka vakayacori talega na siga ni bose oqo, ena tiki ni siga vata ni nodra marautaka na matanitu o Kiribati.
Ivurevure:fijivillage
