LEVU NA VEIKORONIVULI ERA SA VAKACAVARA NODRA YEAR 12 KEI NA 13 SYLLABUS.
Written by Maikeli Radua on November 1, 2021
Picture credit: Fijivillage
Vakaraitaka na marama Minisita ni Vuli o Premila Kumar ni levu na veikoronivuli e Viti era sa vakacavara nodra Year 12 kei na 13 syllabus, ka sa na vo ga vei ira na gonevuli e 9 na macawa mera vakarautaki ira ena nodra veitarogi.
Ea vakaraitaka na i tukutuku qo na Minisita ena nona a veisiko kina koronivuli na Adi Cakobau School ena mataka edai.
Era na dabeca tiko na Year 12 kei na Year 13 na nodra veitarogi ena i ka 17 ni siga ni Janueri 2022 ka ra na veitarogi tiko me rauta e 2 na macawa.
Vakaraitaka na marama Minisita vei ira na qasevuli ena mataka edai mera veiqaravi vei ira na gone ka mera raici ira me vaka ga edua nodra itokani voleka baleta sa balavu sara na gauna era qai lesu tale yani na gone ki vuli ni sa oti qo e 195 na siga ka sa levu sara na ka e veisau vei ira na gonevuli.
Sa kerei talega vei ira na qasenivuli mera veivakauqeti vei ira na gonevuli mera cula baleta qo ga na gaunisala ni noda toso ki liu.
Vakarorogo tikoga mai ena Vitifm 92.2FM/92.6FM/92.0FM ena kena i tukutuku matata.
