Lewena mai o Sam Whitelock na timi ni Barbarians mena sota kei Viti.
Written by Atu Kurumudu on June 17, 2024
Sa qai mai cokia nai coco ni nona qito rakavi ena macawa sa oti ena sotasota ni French Top 14 na lock yabaki 35 ka kilai vakaivola ni ‘most-capped player in New Zealand history’.
O Whitelock sa daramaka oti vaka 154 na jersy ni All Blacks ena valataki vanua ka rawata vakarua veitaravi na Rugby World Cup ni 2011 kei na 2015 kei na nona lewena na timi ka rawata vaka 7 nai cocovi ni Super Rugby ena timi ni Crusaders mai ena 2017 kina 2023.
Laki tomana nona qito ena sotasota ni French Top 14 ena timi ni Pau ena sotasota ni 2023/2024 ka tabaka talega e dua na sikoa ena iotioti ni nona qito ena sota kei Perpignam ka ratou qaqa kina ena 36-24.
Whitelock , e se bera vakdua ni bau qito ena timi ni Barbarians ena dua na gauna , a vakatoka oqo na veika e vakaraitaka: “I can’t wait to experience a week with the BaaBaas and it’s very exciting for me to be doing something for the first time after such a long career in rugby so far,”.
Two-time Rugby World Cup winner Sam Whitelock ena lewena tiko mai na timi ni Barbarians. Photo: Getty Images
Nanamaki tu na turaga oqo ena nona na laki sotavi ira na vo ni dauqito mai na veitimi tale eso ka dau sotavi ira ena gauna e tokara kina na jersey loaloa ni All Blacks. Tomana ka kaya ni keba macawa dua ena dua na gauna marautaki vua kana laki vulica talega kina na vanua era cavutu mai kina , na nodra i tovo ka na dau ivakananumi tu vua ena nona vakarau mai vakacavara tiko oqo na nona qito.
Na veiyaca tale kara na lewena tiko na Barbarians , Robbie Deans, Danny Care mai na timi ni Igiladi , Ben Young,Jonny kei Kyle Sinckler.
Kuria na nona i tukutuku o Whitelock ka kaya vaka oqo ne -“I’ve been playing rugby since I was three years old, and while my playing career is coming to an end, I know the sport will always be there for me – whether that’s in coaching, playing in fundraising matches, or whatever else might be ahead of me,”.“It’s going to be an incredible day at Twickenham. Everyone that comes along is going to get two international matches for the price of one, which is pretty cool, and there’s going to be some awesome players out there showing the world what they’re capable of.”
Ni oti na nodrau na sota na Barbarians kei na timi ni Viti e Twickenham, e rau na qai sota yani ena valataki vanua na timi ni Sauca Aferika kei Welesi.
source:rugby.com.au
