Current track

Title

Artist

Background

SERE VOU-MATEVATA-TEBARA VIBES

Written by on June 17, 2024

TEBARA VIBES-Na matasere oqo e kena i liuliu tiko ko Emosi Diani, ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm, ia na sere oqo na “MATEVATA” e vola na i talanoa ni sere ko Emosi Diani, ka lagata na sere oqo ko¬† Saiasi Vunisarisari. E katona na sere oqo na “MATEVATA” ko Freddy Suka e na volau ni katokatoni na Dege Production.

MATEVATA-Oqo na kedrau i talanoa e dua na Cauravou mai Salia,Nayau mai Lau kei dua na goneyalewa ni Naceva mai Beqa,ka talanoataki kina na nodrau bucina na nodrau veidomoni ka me yaco sara me sa laki vakavotukana.

E rau a sota ga ena Volamata na veiwekani e rua qo,ka rau vakitikotiko ruarua tikoga mai na Vanua levu o Ositerelia,o Goneyalewa e vakaitikotiko mai Malevani,ka o Cauravou e vakaitikotiko mai Serene,ia toso na kamikamica ni nodrau veivolavolai kei na veiqiriti ena Volamata sa gadreva saraga o Cauravou me sana lakovi goneyalewa sara madaga i Malevani me rau laki sota saraga ena matana votu.

Sa dua naka na nodrau marau ena gauna rau sa mai sota kina,ka talaucaka taucoko mai o goneyalewa na bula dredre e lako curuma mai me vaka ni sa 2 tiko na nona i solisoli,ka ciqoma ena marau ko Cauravou na veika e sa vakaraitaka vei koya o goneyalewa.

Ena nodrau tomana tiko na nodrau veidomoni na veiwekani e rua qo,e sa qai tu tale tiko o ira na veiwekani mai na yasana nei Cauravou mera vosa vakacaca taka tiko na nodrau veidomoni,ka qai mani mai nanuma sara o Cauravou me buli na sere oqo me talanoataka kina ke se mani vakacava sara nodra vosa na tamata na dodomo oqo ena qai tinia ga ko mate.

VITI FM:92.2/92.0/92.4/92.6 FM-E-KAMICA-QAI-KAJI

I VUREVURE: EMOSI DIANI

 


Reader's opinions

Leave a Reply

Your email address will not be published. Required fields are marked *