LEWENA NA TIMI NI LEWE YA 7 O VOLIVOLI KEI TAMANI ENA HONG KONG 7’S.
Written by Rosena Volavola on March 28, 2023
E tukuna na dau ni vei vakatavulici ni noda timi lewe ya 7 o Ben Gollings ni rau na vakarautaka o Suliano Volivoli kei Terio Tamani eso na kaukauwa ki na timi ni noda vanua ni oti na nodrau sa kacivi lesu tale ki na timi ki na sotasota ni Hong Kong 7s.
Ea vakasakiti sara na qitoqito erau vakayacora o Volivoli kei Tamani ena sotasota ni Marist 7s me vaka ni otioti ni gauna erau se mata-taka na noda vanua oya ena yabaki 2020 ki na 2021.
Ia, matai ni qito nei Viti e rau na calidi kei Samoa, ni sivi na 7 ena 28 na miniti ena yakavi ni Vakaraubuka, karua ni qito vakatobu rau na sota kei Canada ni vo e 8 na miniti me 4 na kaloko ena yakavi ni Vakarauwai, ka otioti ni qito vakatobu e rau na calidi kei Argentina ni vo e 23 na miniti me 9 ena bogi ni Vakarauwai.
Na kota-fainala ena tekivu tiko ni oti na 2 ena 2 na miniti ena sigalevu ni sigaTabu, Semi-Fainala ni sivi na 7 ena 29 na miniti ena yakavi ni sigaTabu, ka na qai vakayacori na fainala ni oti na 12 ena 15 na miniti ena mataka ni siga Moniti.
VITIFM 92.FM/92.2FM/92.6FM
E KAMICA QAI KAJI!
Source- Fijivillage.
