Libya floods: 5,300 era mai leqa ka kerei na veivuke totolo.
Written by Atu Kurumudu on September 14, 2023
Sivia ni 5,300 na lewe ni vanua e vakabauti nira mai mate ena ualuvu ka tara na korolevu o Derna e Libya.
Sa gadrevi vakabibi na veivuke ena kena gauna totolo duadua ena nodra sa tawani tu ga ena ‘body bag’ ko ira era sa mate kei na nodra sa bulu ga yani me rawa ko ira na sa mai leqa.
Tabaki na kena itukutuku ni vaka na tsunami na ualuvu e curumi Derna yani ena Sigatabu ni oti na kena kabasu e dua na dam.
Era sega ni cegu na dau veivueti ena nodra vakelia na veivale era sa bale ena nodra vaqarai na lewe ni vanua.
Rauta ni 10,000 era se yali tu ga ena gauna oqo ka 30,000 e vakacacani na nodra itikotiko me vaka e ratou vakaraitaka na United Nations’ International Organization for Migration (IOM) ka ratou tiko e Libya ena Vukelulu.
Sa sega ni dua na vanua e maroroi kina na yagodra na mate ni sa oso kece na vei valenibula kei na kena vale.
source:bbc
