LILI NAI VAVA NI QITO NEI KURT BAKER

E sa mai vakaliliga na nona i vava ni qito na cauravou kilai levu ena mata timi qaqa ni rakavi lewe ya 7 ni Niusiladi,o Kurt Baker,ni sa mai yabaki 34,ka sa qito oti vaka 233  ena sotasota ni World Seven Series.

Na nona a matataka voli na timi ni Niusiladi ena qito rakavi lewe ya 7, e mai soli kina vua na cocovi ni dau qito ni yabaki,na New Zealands 7’s Player of the year ena 2010 kei na 2013 ,e lewena na mata timi ka qaqa ena Commonwealth ka ratou rawata kina na metali koula ena 2013, kei na 2018, e 2 na nona metali koula ena Rugby 7’s World Cup ena 2013 kei na 2018, ka lewena tale na timi ka rawata na metali Siliva ena sotasota ni Olympic ena  2020.

E a vakaitavi talega o Baker ena timi ni Taranaki ena sotasota ni National Provincial Premiership Cup,ka ratou qaqa kina ena 2014,ka lewena talega na mata timi ni Maori All Blacks,ni bera ni ladeva yani na qito rakavi lewe ya 7,me yacova saraga na gauna qo,ka sa nanuma kina,me sa mai lili na nona i vava ni qito.

VITIFM  92.2FM/92FM/92.6FM

VITIFM – E KAMICA QAI KACHI.

SOURCE – Fiji Village