VAKASAKEI O EDDIE JONES MAI NA I TUTU VAKADAUNIVEIVAKATAVULICI NI IGILADI
Written by Demesi Kakaya on December 7, 2022
Vakasakei na dauniveivakatavulici ni mata timi ni Igiladi o Eddie Jones mai rakavi unioni ni Igiladi . Esa mai taura tiko vakawawa ena gauna na qo o Richard Cockerill na dauniveivakatavulici ni yatu i liu ni Igiladi na veiliutaki ena gauna qo. Sa vo toka ga e 9 na vula me yacovi yani na sotasota ni rakavi ni vuravura ka sega tu ni dua me dabeca nai tutu vakadauniveivakatavulici ni mata timi ni Igiladi rakavi 15.
Mai yaco na veisau oqo ena vuku ni nodra sega ni taleitaka na macala ni veika e mai rawata tiko ena gauna oqo na timi ni Igiladi. E qaqa ga vakalima o Igilagi ena 12 na Tests e ratou vakaitavi kina ena yabaki oqo.
Na turaga yabaki 62 ,Eddie Jones esa laveta oti vakatolu na Six Nations titles ena loma ni vitu na yabaki nona veiliutaki vua na timi ni Igiladi ka laki vakavuna talega nodratou fainala kei Sauca Aferika ena yabaki 2019
Ni railesuvi na macala ni veika e ratou mai rawata na mata timi ni Igiladi ka ra sega ni duavata kina ka nanumi mesa vakagalala mai na nona i tutu , mai na 4 na qito e ratou vakaitavi kina e ratou qaqa ga vakadua ena autumn Nations ka vakayacori ena yabaki oqo.
Source : BBC SPORTS
