LILI NONA VAVA O JAMIE ROBERTS NA CENTRE NI WELESI NI YABAKI 35
Written by Demesi Kakaya on July 13, 2022
Na turaga yabaki 35 qo o Jamie Roberts esa mai kerea nona vakacegu ena qito rakavi. O Roberts ena gauna ni nona qito e sa vakaitavi oti vaka 94 vei Welesi ka qito ena 3 na Test ena mata timi ni British Lions ni bera ni mai vakacavara nona qito ena mata timi ni Waratahs e Ositerelia ena sotasota Super Rugby Pacific ena yabaki oqo.
I sevu ni gauna me vakaitavi kina ena yabaki 2008 ena i tutu ni full-back / wing ni bera ni lade ena i tutu ni centre ena yabaki vata ga oya.
E mai lewena talega na rua na Grand Slams kei na 3 na Six Nations ka ratou qaqa kina. E mai lewena talega na timi ni Welesi ena sotasota ni vuravura ena yabaki 2011 ka ratou cava kina ena i ka 4 ni tutu. E mai ciqoma talega o koya na i cocovi ni Lions man of the series ena nodratou vakadrukai Sauca Aferika ena yabaki 2009.
”Matataka noqu matanitu e dua na ka au e se tatadra taka tu mai niu se gone , ia au kalougata ni tatadra oya e qai mai vakavotukana” kaya o Roberts.
E ratou sa toki mai Sydney kei na marama na watina vata keirau na luvena o Tom kei Elodie ena gauna e mai lewena kina na timi ni Waratahs. Lewena na kalavo mai Cardiff kei na 5 na matanitu ena Racing Metro, Bath, Harlequins, Stormers, Dragons and Waratahs.
Vakaraitaka o Roberts ni se ga ni qito wale ga ka tiko talega na nona i vola koroi ena vuli. E tauri vola mai na medicine mai Cardiff University ena yabaki 2013, vaka degree talega ena Sport and Exercise Science.
Lewena na Queens College, Cambridge University, ciqoma talega nona Masters of Philosophy in Medical Science ena gauna e qito tiko kina ena yabaki 2015 ena Oxford mai Twickenham.
SOURCE : BBC NEWS SPORTS
