LUTU E DUA NA LORI ENA WAVU MAI VISEISEI.
Written by Mika Qalobula on July 25, 2023
Ea kilakasamitaki e dua na draiva,ka vakabauti nia mateni tu,ka sega ni lewa vakavinaka na vanua e gole tiko kina na lori,ka draivataka tiko ka mani yaco kina me lutu ena wavu e Viseisei ena 10 na kaloko ena mataka nikua.
E vakaraitaka na ivukevuke ni komisina ni Ovisa ACP Livai Driu ni vakabauti ni draiva oqo ena dela ni nona dokadoka, e sega ni nanumi ira tale eso na Lewenivanua,ka ra vakayagataka tale tikoga na gaunisala ena gauna vata oya, ka rawa saraga ni kauta tani kina na nona bula.
E kaya o ACP Driu ni ka vakadomobula kevaka me dua na Lewenivanua e mateni tu,ka qai vakau lori, me vaka ni rawa ni vakavuna na vakacalaka ka rawa ni vakayalia kina na nodra bula e vuqa na lewenivanua.
E ratou vakaraitaka na Tabana ni Ovisa ni gauna qo esa tiko ena Siteseni ni Ovisa na draiva oqo, ka sa vakayacori tiko na kena veivakaqaqai.
https://www.fijivillage.com/news/Alleged-drunk-driver-drives-off-Viseisei-Bridge-8r45xf/
VITIFM 92/92.2/92.4/92.6 FM-E KAMICA QAI KACHI!1
I VUREVURE-FIJI VILLAGE.
