MAI KUNE NA YAGONA NA CAURAVOU YABAKI 3

E sa mai kunei na yagona na cauravou yabaki 3 mai vei iratou na tabacakacaka ni ovisa ena siga ni kua ka rivotetaki yani vei iratou ena macawa qo nia yali tu mai Nadi. Sa mai kunei na yagona ka kilakasamitaki ni kisi ni luvu.

Tomani tiko ena gauna qo na veivakaqaqai mai vei iratou na tabacakacaka ni ovisa , ka ratou veivakasalataki vei keda nai tubutubu dau ni veisusu ena vuku ni nodai tavi ena nodra wanonovi mareqeti ka taqomaki nodra bula na luveda ena veigauna kece.

Vakaraitaka na Chief Operations Officer ACP Abdul Khan nio oqo na veika ena kauta mai na vakawelewele kevaka e luluqa na nodra qarauni na luveda ka meda kila talega na nodra bibi ni susugi.

Kuria o ACP Khan eda sa vakamasuti kevaka e sa soli vei keda na i tavi meda raici ira tiko na luveda ka meda kila nida sa nuitaki mena tarova kina na mataqali kisi vaka oqo.

Waraki tiko ena gauna oqo na veisele vakavuniwai me na qai vakadeitaki kina se cava dina na vuni nona mai leqa.