MAI MATE EDUA NA TURAGA ENA COQA.
Written by Maikeli Radua on August 1, 2023
Esa mai leqa edua na turaga yabaki 41 ni oti na kena a coqa na lori e draivataka tiko kei na dua na Cene Harvester,yaco na coqa qo ena gaunisala na Queen’s Highway volekati Malamala Nadi.
Tukuna na i tukutuku ni ovisa ni a sega ni lewa vakavinaka na turaga qo na totolo ni lori e draivataka tiko ka vakavuna na kena ceba tani yani ena tai ni gaunisala kadua ka rau coqa mamaca saraga kei na Cane Harvester rauta na 8pm ena bogi nanoa.
Eratou a qai vakaitavi na National Fire Authority ena kena kau tani mai tuba na yagona na turaga qo ka qai cicivaki yani ena valenibula e Nadi ka qai vakaraitaki mai ni sa leqa ena gauna vata ga eratou yaco yani kina ki valenibula.
Sa ratou veivaqaqai tiko na ovisa ena vakacalaka qo…ka na qai vakayacori an veisele vakavuniwai me kilai kina na vu ni nona mate na turaga qo.
Sa kauta cake na i wiliwili ni vakacalaka ena noda vei gaunisala ena 56 ni veidutaitaki vata ena 21 ena gauna vata vaka oqo mai na yabaki sa oti.
Vakarorogo tikoga mai ena VitiFM 92.2FM/92.6FM/92.0FM/92.4FM ena kena i tukutuku matata.
