MALELE – SENILAGAKALI KEI KOROILAGI.

E dua na nodratou sere vou na matasere na ‘Senilagakali Kei Koroilagi’ e yacana tiko na ‘Malele’,ka talanoataki kina na nodrau na veidomoni e dua na cauravou ni Raviravi mai Bua kei na dua na gone yalewa ni Nadala,Nadarivatu,Naitasiri.

Sa balavu na gauna ni nona vakamuri yalewa tiko mai kina o cauravou qo ka tekivu mai ena gauna ni nodrau vuli,ka dau wainidivataka tiko me vosaki koya, mani yaco sara me vaka kina,ka kidacala ni vaka ‘io’,mai vua na gone yalewa qo.E a veisemati vinaka sara na veidomoni o ya,ka yacova na gauna me sa gole kina o cauravou me laki lewena na mataivalu ni Bolatagane,ka rau sa mai tu veiyawaki sara.

Ni sa balavu na tu veiyawaki,sa qai kerea na cauravou ni Bua qo me buli e dua na sere me vakadeitaka vei gone yalewa ni sa qai kaukauwa tiko ga na nona dodomo ki vua,ka me waraka tiko ga na gauna me na qai yaco mai kina,ka me rau sa na qai mai vau vata me vaka ni yalona taucoko sa ‘MALELE’,sara tuga mai vua na gone yalewa ni Nadala,Naitasiri qo.

Vakarorogo mai ena VITIFM 92.2FM,92FM kei na 92.6FM.