Marautaki na Siga ni Tabagone e na Noda Vanua.

Ulutaga ni Yabaki oqo ena International Youth Day na “Intergenerational Solidarity- Creating world for all Ages”, vulagi dokai kina na turaga Attorney General Aiyaz Sayed-Khaiyum, ka vakabibitaka tiko kina o koya na duavata, veilomani, vakarokoroko me rawa ni bula kina edua na viti vinaka mai muri.

E ratou duavata talega na mata mai na veitabana ena UN e Viti, UNICEF Chief President e Viti kei na UNFPA nodratou vakabibitaka tiko na i tavi ni dua na tabagone ka dodonu me bulataka na bula vaka i vakarau, bula ni dodonu ni dua na tabagone, bibi ni kena valuti na leqa eso ka dau vu ni veisei ena bula ni tabagone ena noda vanua, kei na kena sagai me tarai cake edua na Vanua vinaka ni mataka, ena rawati ga ena ligadra na tabagone.

Tomana o Sayed-Khaiyum ka tukuna ni bibi me da bula taka na bula ni veirogorogoci, ena qai rawa ni da rokataka mai kina na bula ni veirokorokovi ena veiyabaki ni bula duidui e da bula kina.

osodrigi na Civic Centre ena kena mai marautaki na “International Youth Day” ena siga Vakaraubuka sa oti, e ra mai tayabe ena taoni levu e suva na Tabagone mai na vei yasana e Viti me vakananumi ni nodra siga. Liutaka na mata bani ni koronivuli ni Youth Training Centre na tayabe ka duavata kina na tabagone ni vei Pasivika me vakataki Tonga, Cook Island, Vanuatu.

Vakarorogo tiko mai ena Vitifm 92.2/92.6/92 FM

Vurevure: Fijivillage