MATE EDUA NA GONE VULA 4 KEI NA GONE YABAKI 15 MAI NA MATE NA COVID 19…84 NA MATE ENA COVID 19 ENA I KA TOLU NI UWA QO.
Written by Maikeli Radua on January 25, 2022
Permanent Secretary for Health Dr. James Fong.
Esa vakadeitaka na Tabana ni Bula ni sa 84 taucoko na lewenivanua era sa mai leqa ena mate qo na Covid 19 ena gauna e donui keda tiko kina qo na i katolu ni uwa.
Vakaraitaka talega na Tabana ni bula ni 11 tale na lewenivanua era mai mate vou ena Covid 19 mai na i ka 13 kina i ka 23 ni siga ni vula qo.
Vakaraitaka na Vunivola Tudei ni Tabana ni Bula Dr. James Fong, 5 era mate ena i wasewase e Loma, 3 mai na Yasayasa Vaka Ra, 2 ena i Wasewase ena Tokalau ka 1 mai na Vualiku.
Vakadeitaka talega o Dr.Fong ni rau lewe rua na mai mate qo e lailai na nodrau yabaki ni bula mai na yabaki 18.Wili tale tikoga vei ira na mate qo edua na gone vula 4 mai na Yasayasa Vaka Ra.
Kena i tukutuku matata o na rogoca ga ena Vitifm 92.2FM/92.6FM/92.0FM
