MOCE VAKADUA SIKOTELADI-QUEEN ELIZABETH II
Written by Maria Solomone on September 14, 2022
Esega ni rawarawa vei ira na lewenivanua kei ira na na sa lai veiqaravi tu ena vanua o Sikoteladi ena nodra sa talaca vakadua mai kea na marama na Ranadi mai Bolatagane-Ilisapeci na i karua.
E ra vakaraitaka eso na lewenivanua mai kea ena nodra mai vakadinadinataka na veitalaci, ni dua na vanua e dau sega ni guilecava vakadua na marama na Ranadi na nona tubu ka susu mai na nodratou i tikotiko vakatui mai Balmoral,volekata toka ga na koro o Crathie,rauta ni 9 na maile ena ra kei Ballater ka 50 na maile ena ra kei Aberdeen,ka ra sa talaci ira ena nodra i golegole ki na Buckingham Palace na vanua me ra lai qaravi kina na soqo ni vakasuka qele.
Na marama na ranadi era vakacegu ena i tikotiko vaka tui mai Balmoral Castle,na nodratou i tikotiko vakatui mai Sikoteladi ena i ka 8 ni siga ni vula ga qo.Vakaraitaka na i tukutuku mai valelevu ni ra vakacegu vinaka sara ga ena veikacivi ga ni kalou.E levu era mosita ni dau levu na gauna e dau siko yani kina i Sikoteladi,kei na nona dau taleitaka na vodo Ose ena vuqa na gauna.
Era lewe levu tale ga na noda gone i taukei era na mosita na marama na ranadi ena vuku ni veivuke levu nodra vakadonuya me ra bau lai lewena tu yani na mataivalu ni nodra vanua,ka vutuniyau ena i loloma vakatina dina me vaka ni dua na gauna nodra liutaka tale tu ga noda vanua.Ra kalougata tale ga ni ra bau digitaki eso na noda gone i taukei me ra vaka i tavi kina ena soqo ni veitalaci.
Namaki me sa na vakayacori na vakasukaqele vua na Ranadi ena Vakaraubuka.
source:Ancre Somme Association Scotland
VITIFM KAMICA QAI KAJI
