Current track

Title

Artist

Background

NAMAKA NA SEMIFAINALA ENA MACAWA MAI QO

Written by on September 24, 2022

E sa mai qaqa na mata timi ni Marist Brother High School, ena i otioti ni sotasota ena kotafainala ni rakavi vei ira na gonevuli, ena nodratou mai vakadruka na koronivuli mai Ratu Kadavulevu School ena kai e 16- 13 .

E vakaraitaka na manidia ni timi ni koronivuli mai Marist High School, o Peniona Kuboutawa ni ratou kila,ni timi kaukauwa na koronivuli mai RKS , ia eratou vakanamata ga ena matailalai ni qito ena yatu e liu me rawati kina na qaqa.

Na semifainala ni sotasota ni Super Deans ena vakayacori tiko yani ena rara mai na Prince Charles Park mai Nadi ena macawa mai qo.

Ena U18, koronivuli mai Suva Grammar School ena sota tiko kina kei na koronivuli mai Natabua High School ena semifainala, ni oti na nodratou vakadruka na koronivuli o Lelean Memorial School ena kai e 21 kei 8 ena kota fainala.

O Ba Provincial Freebird Institute ,e vakadrukai Nasinu ena 12 kei 5 , ka druka na koronivuli o QVS vei Natabua ena kai 21 kei 19 .

Ena Under 16, RKS e vakadrukai Ratu Navula College ena kai e 15 kei 3, SGS e vakadrukai Lelean ena 20 kei 3, QVS e vakadrukai Nasinu ena kai e 10 kei 0 , ka qaqa o Cuvu College vei Marist ena 18 kei 12.

Na U 17, Marist e vakadrukai Lelean ena 12 kei 10 , Suva Grammar e vakadrukai Natabua ena kai 20 kei 12, QVS vakadrukai Nasinu ena kai 30 kei 0 .

 

Vakarorogo tikoga mai ena VITIFM 92.2FM/92.2FM/92.6FM

E KAMICA QAI KACHI!!!!

SOURCE: fijivillage

 


Reader's opinions

Leave a Reply

Your email address will not be published. Required fields are marked *