Current track

Title

Artist

Background

NAMAKI EDUA NA QITO KAUKAUWA NI TIMI NI DRUA ENA MUA NI MACAWA OQO

Written by on March 1, 2023

Ena kacivaka tiko ni mataka na timi ni Swire Shipping Fijian Drua edua na timi kaukauwa,ena nodratou sa vakanamata kina qito kaukauwa ka ratou na sota tiko kina kei na timi ni Waratahs ena Vakarauawai saraga oqo.

May be an image of 3 people

E vakaraitaka nai tukutuku oqo,na dauni veivakatavulici ni Timi ni Fijian Drua o Mick Byrne,ena nona rai lesuva tiko na nodratou qito ena yabaki sa oti,ka tukuna ni namaki edua na qito kaukauwa ena saravi ena mua ni macawa oqo.

Ia,na timi ni Swire Shipping Fijian Drua,ena calidi tiko kei na timi ni Waratahs,ni vo e 15 na miniti me 9 ena bogi ni Vakarauwai saraga oqo.

Ena veisotasota tale eso,Crusaders ena sota tiko keina timi ni Highlanders ena 7 na kaloko ena yakavi ni Vakaraubuka oqo,Melbourne Rebels ena sota kei na timi ni Hurricanes ena 9 na kaloko ena bogi ni Vakaraubuka oqo,Moana Pasifika ena sota kei Chiefs ni sivi na 6 ena 5 na miniti ena yakavi ni Sigatabu,ka rau na sota na timi ni Queensland Reds kei Western Force ena veimama ni 5 ena yakavi talega ni Sigatabu oqo.

Vakarorogo tiko ga mai ena VITIFM 92.2FM/92.6FM/92FM.

VITIFM – E KAMICA QAI KACHII.

 


Reader's opinions

Leave a Reply

Your email address will not be published. Required fields are marked *