NANAMAKI TIKO NA BABY BULA BOYS ENA SEMIFAINALA NI U-17 OFC CHAMPIONSHIP KEI NIUSILADI
Written by Losena Seru on January 23, 2023
Na noda mata timi U-17 ni Soccer ni Viti,na Baby Bula Boys e ratou na sota tiko kei na mata timi ni Niusiladi ena ivatavata ni semifainala ni OFC U-17 Championships, ena Vukelulu sara gah oqo.Viti e a vakadruka na mata timi ni Cook Islands ena kai 3-0 ena ivatavata ni kotafainala, ena HFC Bank Stadium ena mua ni macawa sa da qai vakanadakuya ga oqo.
Mai vakacuruma rawa na imatai ni kai o Petero Maivalenisau,ka mai liu toka yani kina na noda mata timi ena kai 1-0 ni bera na halftime.Ena i ka 50 ni miniti,e a mai vakacuruma rawa kina o Delon Shankar na i karua ni kai.Mai qaqa yani na noda mata timi ni Baby Bula Boys ena kai 3-0,ni oti na nona vakacuruma rawa tale o Maivalenisau na i ka otioti ni kai ena i ka 92 ni miniti.
Niusiladi e a vakadruka na mata timi ni Vanuatu ena kai 1-0 ena kotafainala.
Ena vuku ni semifainala ena siga Vukelulu oqo, Tahiti e rau na sota tiko kei New Caledonia ena 4 na kaloko ena yakavi,sala muria tiko yani na nodrau na sota tale tiko ga na noda Baby Bula Boys kei na mata timi ni Niusiladi,ena 7 na kaloko ena bogi.
Na OFC U-17 Championship qo,e i vatavata ni nodrau vakavakarautaki e rua na mata timi digitaki ena pasifika,me matataka na Oceania,ena vuku ni FIFA Under 17 World Cup i Peru,e na vula ko Noveba,ena yabaki sara ga oqo.
Source:FijiVillage
