Novel Langya virus – Laurai mai Jaina.
Written by Atu Kurumudu on August 11, 2022
Era vakamuria tiko na sainitisi e dua na mate vou ka laurai tiko mai Jaina ena gauna oqo ka nanumi tiko ni dewa mai na manumanu kina tamata.
E se bera ni dua e mate kina , ia sa laki vakavuna na kauwai kina Taiwan Centre for Disease Control me wadrava matua na veika sa yaco tiko me baleta na mate oqo.
Na cava na Langya henipavirus (LayV)?
Oqo e dua na mate vou – ka kena i vakalekaleka na (LayV).
Tukuni ni lewe 35 na lewenivanua ena Tokalau kei Jaina e sa tiko vei ira na mate oqo. E a laurai ena gauna era vakadikevi kina o ira na lewe ni vanua ka laurai vei ira nai vakatakilakila ni mate-taka.
Era vakadeitaka na sainitisi ni se bera ni dua e mate kina kara raica talega ni sega ni dua na i vakadinadina dei ni kena dewa na mate oqo mai na tamata kina dua tale – [there is no obvious evidence of human-to-human transmission of the virus].
E na i tukutuku tabaki e tukuni ni rau veiwekani na mate oqo kei na Hendra hanipavirus, ka a laurai e Queensland ena 1994.Mai na 7 ka tauvi ratou ena gauna oya , 4 e ratou a mai leqa kina.
source:cnn
