Pele’s funeral: Vakarau talaci na turaga dauqito soka rogo duadua ena noda vuravura.
Written by Atu Kurumudu on January 3, 2023
Udolu vaka Udolu na lewe ni vanua era gole yani mera laki tauca nai otioti ni nodra vakamoce vua na dau qito soka kilai levu ena noda vuravura ka vakatokai – Brazil legend Pele.
Davo toka na kisi kei Pele ena lomadonu ni rara ni qito na Urbano Caldeira stadium e Sao Paulo. Oqo na rara ka dauqito voli kina ena nona kalavo ni qito na Santos.
Ia, ena taudaku ni rara ni qito levu oqo , era oso na dauniveitokoni ena kena vei tolo ni gaunisala ena nodra mai duavata ena vakaloloku.
Rawata vaka tolu na bilo levu ni vuravura ena gauna ni nona qito ka qai mai leqa ni sa yabaki 82 ena Tiseba ka 29 ni siga.
Vakatauca na lewa na matanitu ko Brazil me soli e tolu na siga ni nodra vakaloloku ni bera na veibulu. A se tauvimate sara mai na turaga oqo ena mate na colon cancer ena 2021.
Fifa president Gianni Infantino.
Vakaraitaka na peresitedi ni Fifa ko Gianni Infantino ka tiko talega ena soqo ni veibulu , meda vakayacana e so na noda veirara ni qito na Pele, me i vakananumi tu kivua na turaga dauqito soka kilai ka rogo levu duadua ena noda vuravura.
source:bbc
