PERESITEDI VOU KEI VITI O RATU WILIAME KATONIVERE NA GONETURAGA NA TUI MACUATA
Written by Maikeli Radua on October 22, 2021
Photo credit: Fijian Government Facebook Page
Era sa mai digitaki na goneturaga na Tui Macuata o Ratu Wiliame Katonivere me sa noda Peresitedi Vou, me vaka ni levu duadua na digidigi e a lako vei ira ena Palimedi edai.
Ea vakatututaka na yacai Ratu Wiliame Katonivere na noda Prime Minister Voreqe Bainimarama, ka vakatututaka na yacadra na gone marama bale na Roko Tui Dreketi na Opposition Whyp o Lynda Tabuya.
Ea ciqoma o Ratu Wiliame e 28 na digidigi ka 23 na digidigi e gole vua na Gone marama bale na Roko Tui Dreketi Ro Teimumu Kepa
O Ratu Wiliame Katonivere e matai ni Peresitedi kei Viti me cavutu mai na yasana o Macuata.
Era a taura tale tu ga e liu na i tutu ni Peresitedi ni FijiFirst kara Chairman talega e liu ni Pine Group of Companies ka wiliki kina na Fiji Pine Limited,Tropik Wood Industries Limited, Tropik Woods Product Limited.
Era a lewena tale tu ga iliu na board ni Fiji Airports,Fiji Sugar Corporation kei na Rewa Rice Limited.
E sa na qai taura tiko na i tutu vaka Peresitedi o Ratu Wiliame Katonivere ena vula mai qo.
Kena i tukutuku matailalai vakarorogo tikoga mai ena Vitifm 92.2FM/92.6FM/92.0FM
