QAQA NA TIMI NI DRUA 48 VEI WESTERN FORCE 38 ENA QITO NI VAKATAKATA ENA BOGI.
Written by Maikeli Radua on February 17, 2023
Ratou mai qaqa na noda matatimi ni Swire Shipping Fijian Drua ena nodrau qito ni vakatakata kei na timi ni Western Force ka vakayacori mai Queensland ena bogi ena kai 48 kei 38.
Sa vakanamata na timi ni Drua ena gauna qo ena nodratou i matai ni qito ena sotasota ni Shop and Save Super Rugby kei na timi ni Moana Pasifika mai Okaladi ena siga Vakarauwai mai qo ena 3:35pm.
Na i matai ni qito ni sotasota ni Super Rugby erau na sota kina na jabeni o Crusaders kei Chiefs ena Vakaraubuka ni macawa mai qo ena 6:05pm.
Kena i tukutuku matata kece vakarorogo tikoga mai ena Vitifm 92.2FM/92.6FM/92.0FM.
