QAQA NODA CAURAVOU ENA TOULOUSE 7S.
Written by Maria Solomone on May 23, 2022
Eratou qaqa ena fainala ni sotasota ni Toulouse 7s ena mataka ni kua na noda cauravou timi ni Viti 7,ena lima na sikoa ka druka kina o Ireland ena kai 29-17.
Vuiviwa Naduvalo-tabaka e 2 na sikoa ena Semi fainala kei Samoa
Vakasakiti na nodrau tataqomaki o Elia Canakaivata kei na kavetani o Te Daugunu,kei na nodratou veitokoni na kena vo,ka ratou tava iyaya na timi ni Ailadi.
Kavetani ni timi ni Viti 7: Tevita Daugunu
E laurai tale ga na totoka ni nona qito o Napolioni Bolaca,ka tabaka tale ga e dua na sikoa,vakavuna tale ga e rua na sikoa,ka ratou yadua o Tevita Daugunu,Josua Vakurunabili,Elia Canakaivata kei Kaminieli Rasaku.
E ciqoma o Waisea Nacuqu na i cocovi ni qito vinaka ena fainala ni sotasota,ka vakasakiti sara tale ga na nona qito.
Eratou dabe toka ena ni ka 5 ni tutu na timi ni Viti ena sotasota ni rakavi 7 ena Vuravura,ni laurai ena i tuvatuva ni poidi ena 87 na poidi.
Eratou sa gole sara na timi ki Igiladi ena vuku ni sotasota ena mua ni macawa qo.
