QAQA NODA TIMI NI MARAMA ENA MATAIVALU ENA I MATAI NI SOTA VAKATOBU MAI NZ.
Written by Maria Solomone on October 8, 2022
Eratou mai vakadruka na timi ni Ositerelia na timi ni noda vanua ena i matai ni nodratou sota vakatobu ena kai e 65 kei 5.Qo nodra sotasota na marama ka ra lewena na mataivalu ena vica na matanitu ena veiyasai vuravura,mai na Riffle College Rugby Club e Okaladi na noa.
Oti na nodrau sota na timi ni marama ka ra lewe ni mataivalu ena matanitu e rua -Viti kei Ositerelia.
Vakaraitaka na dau ni veivakatavuli o Sir Major Isireli Ledua ni dua na gauna vinaka vei ira na noda goneyalewa,ni dau levu na gauna era dau qito voli ga ena noda vanua,ia,na sotasota qo e mai tadola kina a matadra ka ni sa qai i sevu tale ga ni gauna me dua na timi ni marama ena noda mataivalu me vaka itavi ena nodra sotasota qo,kei ira ena veimatanitu lelevu.
Sir Major Isireli Ledua-Dauniveivakatavulici
Kaya tale Mr Ledua ni dina ga ni dua na kai levu eratou mai binia ena i matai ni sota qo,ia,e se tiko ga na malumalumu ka na gadrevi me na vakavinakataki.So na gauna sa vaka me ratou lai vakawelewele.Vaka tale ga na nodratou tataqomaki,dina mada ga ni a dua ga na polo eratou tabaka na timi ni Ositerelia,e vakaraitaka ya na malumalumu ni tataqomaki-dodonu me ratou na vakavinaka taka ni bera na sota kei Igiladi ena Vakaraubuka mai qo.
Dau ni veitokoni mai Niusiladi-pc-Mr.Ledua
Vakavinavinaka tale ga o Ledua veikemuni na veivuvale e NZ na nodra veitokoni,kei ratou na i vakalesilesi ni Fijiana nodratou veitokoni vei ira na goneyalewa.
Vakarorogo tiko ga mai ena VITIFM ka sema tale ga ena FBPage ni Vitifm.
