Ratou laki qito ena Singapore Super League e 6 na lewe ni Fiji Pearls.
Written by Atu Kurumudu on February 23, 2023
Ratou na biuta tiko noda matasawa e ono na goneyalewa mai na Fiji Pearls me ratou na laki vakaitavi ena sotasota ni Singapore Deloitte Netball Super League 2023.
Ratou na lewe ono oqo ko:
1. Blaze – Nina Nakula
2. Fier Orcas – Reama Verekauta
3. Llabten – Elina Drikibau
4. Mannas – Unaisi Rauluni
5. Sneakers – Sereana Maragi
6. Swifts – Jimaima Kete
E tukuni ni na vukei ratou sara vakalevu na nodratou na gole oqo ka vakabibi ni ratou nanamaki talega ena kena varautaki na noda timi kina sotasota levu ni vuravura.
TekIvu tiko na Super League ena Veverueri me yacova na Maji 19. E marau sara vakalevu na CEO ni Netball Fiji ko Vivian Koster ni dolava mai na katuba na isoqosoqo ni netball mai Sigapore vei ira na noda goneyalewa.
E ratou na lesu tale mai na goneyalewa ni oti tiko na sotasota ni Deloitte Super League ena Maji 20 ni bera ni ratou na mai sema tale kina timi ni Pearls ena sotasota ni Quad Series.
source:Netball Fiji
