RAU BEITAKI NA VEIWATINI ENA CALA NI NODRAU A BUTAKO MAI VUA EDUA NA DAUTEITEI YABAKI 80..
Written by Maikeli Radua on March 22, 2022
E rau sa beitaki edua na tagane yabaki 37 kei na watina yabaki 23 ena cala ni nodrau a butako mai vua edua na dauteitei yabaki 80 mai Raranibulubulu Labasa ena siga Vakarauwai sa oti.
Vakaraitaka na i tukutuku ni ovisa ni rau a curu vakaukauwa e lomanivale, vakasaurarataka na dauteitei yabaki 80 ka butakoca eso na i lavo, dua na talevoni veikauyaki ka tiko na levu ni ka erau butakoca ena $400-00.Yaco na butako qo ena siga Vakarauwai sa oti.
Ena nodratou vuki tototlo na ovisa mai Labasa e tauri lesu tale mai kina eso na ilavo ka butakoci kei na dua na mobile phone.
Rau se tauri tikoga vakavesu na veiwatini qo me rau na qai rairai tale ena mataveilewai ena Labasa High Court ena i ka 4 ni siga ni vula o Evereli 2022.
Kena i tukutuku matata vakarorogo tikoga mai ena VITIFM 92.2FM/92.6FM/92.0FM.
