RAWATA E 3 NA METALI KOULA O RAINIBOGI ENA LAVE KA BI ENA SOTASOTA NI PASIFIKA.
Written by Maria Solomone on November 24, 2023
pc:FASSANOC
Mai rawata e 3 na metali koula na dau lave kabi ni timi ni Viti o Taniela Rainibogi ena sotasota ni Pafici Games ena mataka nikua.
Matai ni koula e rawata o Rainibogi ena wasewase ni lave-kabi ni 157 na kilo-karamu, karua ni koula ena 192 na kilo karamu, oya na clean and jerk, ka ka-tolu ni koula ena 375 na kilo karamu.
Tukuna o Rainibogi ni marautaka saraga vakalevu na veika esa mai rawata, ka tukuna talega ni gadrevi vakalevu na veitokoni kina tabana ni lave-kabi ena noda vanua, me rawa ni laveti kina na qito oqo.
Vakarorogo tiko ga mai ena VITIFM.
