Rugby World Cup:All Blacks vs Italy – O cei ena cabe cake? O cei ena lutu?
Written by Atu Kurumudu on September 26, 2023
Ni oti na nodratou sarava na druka vaka ca nei Wallabies , e ratou sega ni via vosa se tukuna e dua na ka ena gauna oqo na timi ni All Blacks ni bera na nodratou qito ka tarava.
Oya na vuna ko sega saraga ni bau rogoca kina e dua na ka e ratou tukuna me baleta na timi ni Italy. Dina ni ratou na vaqitora nodratou timi naba dua ka vakavo beka ga ko Ethan de Groot ka suspend tiko ena gauna oqo. E ratou sega sara tiko ni rai na timi ni All Blacks ena quarter fainala kei Ireland , liu mada ga na ka e dodonu me liu – oya na sota kei Italy e Lyon ena mua ni macawa oqo.
Ena rua na yabaki sa oti , e laurai ni vaka e maucokona mai na nodratou qito na timi ni Italy ena veiliutaki maqosa nei Kieran Crowley e dua ka mata-taka talega na All Black ena dua na gauna. E ratou na qarauna sara na timi ni All Blacks mena kua sara ni dua na cala e ratou vakayacora ni kevaka ena lako ki tautuba e dua na dauqito ka me ratou na lewe 14 ga na tiko e loma ni rara , ena rawa ni veisautaka sara vakatotolo na i cavacava se macala ni qito oya.
Juan Ignacio Brex ena timi ni Italy ena nodratou sota ka qaqa vei Uruguay e Stade Stade de Nice.
Ena 2022 , Italy e vakadrukai Wales ena Six Nations kei Wallabies ena November internationals (voleka sara ni mai cegu kina ko Dave Rennie), ena itekivu ni yabaki oqo ena sotasota ni Six Nations, ratou druka vei Varanise ena kai 29-24 , 34-20 vei Ireland, 31-14 vei Igiladi , 26-14 vei Sikoteladi kei 29-17 vei Welesi.
source:stuff.co
