SA KACI TIKO O MAHENDRA CHAUDHRY ME VAQAQAI NA KOMISINA NI FICAC O RASHMI ASLAM
Written by Mika Qalobula on February 3, 2023
E sa vakaraitaka tiko na i liuliu ni Fiji Labour Party o Mahendra Chaudhry,me na vaqaqai talega na Komisina ni FICAC O Rashmi Aslam ena vuku ni nona talaca na kisi me baleta na Supervisor ni Veidigidigi e liu,o Mohammed Saneem,ena nona a kilakasamitaki ni a vakayacora e so na veisaumi sega ni dodonu.
E tomana na nona i tukutuku,ni ratou sa biuta yani na nodratou i vola ni kauwai na 3 na i soqosoqo vakapolotiki ena vuku ni tikina oqo,ka wili kina na Fiji Labour Party,Unity Fiji kei na Freedom Alliance,ena i 21 ni vula ko Tiseba.
Ia,eratou a sauma mai na FICAC enai ka 28 ni siga ni Janueri, ni sa vagalalataki na veibeitaki e tau vua ni sega na kena i vakadinadina vinaka.
Sa vakaraitaka talega o Chaudhry ni sa vakauta e dua nai vola ki vua na Vunilawa o Siromi Turaga,ka me dolavi ka dikevi tale vakavinaka na kisi oqo.
VITIFM 92.2FM/92FM/92.6FM.
SOURCE – FIJI VILLAGE
