SA KEREA NA NONA VAKACEGU O ACP ABDUL KHAN

Sa mai kerea na nona vakacegu ena Tabana ni Ovisa o ACP Abdul Khan,ni oti na nona veiqaravi voli ENA loma ni tabacakacaka me 29 na yabaki.

Ciqomi rawa ni o ACP Khan sa vakayacora na vakatulewa ni nona kere vakacegu,ena nona rai ni sega ni ganita me kacivi na mataivalu me mai vevuke ena kena maroroi na lawa ena noda vanua kei na nodra taqomaki na lewenivanua.

Sa ciqoma na i vola ni kere vakacegu nei ACP Khan o Qiliho na Komisina,kaya ni sa rokova na nona vakatulewa o Khan,ka sa solia tale ga na nona vakanuinui vinaka vua kei na nona veiqaravi tu mai ena loma ni tabacakacaka.

Vakadeitaka tale ga o Qiliho ena mataka nikua ni sa na mai vei sosomitaki vei Khan o Turaga ni Ovisa Livai Driu,ka liutaka tu mai na tabana ni Police Special Response Unit.

Source:FijiVillage