Current track

Title

Artist

Background

SERE VOU – VOROVORO NI DODOMO – CAKAUDROVE VIBEZ

Written by on December 22, 2022

‘CAKAUDROVE VIBEZ’ -Na matasere oqo erau lewena tiko o Kerry Damudamu kei Tubuna nai liuliu ni matasere na ‘VOQA KEI VALENISAU’.

‘VOROVORO NI DODOMO’-Oqo nai talanoa ni sere me baleti rau e dua na veiwatini gone sara,ka cavutu mai o Tagane mai na koro vakaturaga ko Mualevu mai Vanuabalavu, ka cavutu mai o Goneyalewa mai na koro ko Nataveya,mai Naitasiri.

E sa yabaki 2 toka na nona vuli qasenivuli tiko o tagane mai Fulton College mai Tailevu ena gauna oya,ka yaco na gauna me sa tokitaki ko Fulton College ki Sabeto mai Nadi,ka sa mani kerea o Tinadratou na gone me sa vuli qasenivuli talega.

Sa qai mani vakadonuya o nodratou Ta me sa vuli ko Na,ka sa mani vaqara cakacaka me rawa ni vukea na nodratou bula ena veisiga,kei na i curucuru nei nodratou Na,ka tekivu vuli mai na 2016.

E na 2018,sa tauri vola kina o Tindratou na gone ka dua na ka na nodratou marau ni  sa mani dua sara na nona i lesilesi me laki qasenivuli kina koronivuli mai Qalikarua mai Matuku,ena Yatu Lau,ka na gauna e ratou qai lako kina ki Matuku,sa tawa tiko na matai yadi ka sa voleka ni vula 9 tiko.

Ni sega ni dede na nodratou laki tiko mai Qalikarua,sa gole tale mai ki Suva ko Tinadratou na gone me mai wawa vakasucu,ka ratou tiko voli ga yani na nona veitamani.

Sa  mai vakasucu,ka sa mai vakabulabula toka yani me vaka ni dau vagauna tu na cici ni waqa ki na Yatu Lau,sa vakavuna talega me sa attach toka ga ena dua na koronivuli e Vitilevu,ka sa via  balavu sara ga kina na nodratou veibiu tu kei ratou na veitamani.

Sa vaka talega me dau veiyawaki na veiqiriti ka siqema o nodratou Ta ni sa dua beka na ka e sa yaco tiko yani VITILEVU,me vaka ni sa dau levu sara na i tukutuku e dau rogoca,ka dau qiritaki yani ni sa veivosaki tale tiko o nodratou Na.

E ratou sa qai biubiu mai Qalikarua na veitamani me ratou gole mai ki Suva,ka sa qai vakadinadinataka ni sa dina taucoko na ka kece e rogoca tu mai.

Sa qai rau mai veitalanoataka me rau sa wase na gone,ka kauti ratou na 3 na gone qase o Tamani gone,ka sa nei Vunimarama na nodrau i tini.

Sa dua na ka na mosi e yacovi Tagane ena vuku ni veika esa mai yaco ni vakananuma lesu, na levu ni nona solia  na nona dina taucoko ena vuku ni nodrau bula ni vakawati.

VITIFM 92.2FM/92FM/92.6FM

VITIFM – E KAMICA QAI KACHIII!!!!!

 

 

 

 

 

 


Reader's opinions

Leave a Reply

Your email address will not be published. Required fields are marked *