SA QAI VORAVORA CAKE TIKOGA MAI NAI VALU MAI ISIRELI.
Written by Mika Qalobula on October 9, 2023
Ena kena sa tekivu vakilai na voravora ni valu,ka yaco tiko mai na vanua levu o Isirei,ka sa veivakadeitaki na noda Matanitu vei keda kece sara na tiko mai Isireli na noda lewe ni Vuvale, ni ra maroroi vinaka tu na 200 na noda lewenivanua koya era a laki tiki tiko ni soqo, na Feast of the Tabernacle.
Ena nodra I tukutuku na Prime Minister ni noda Vanua o Sitiveni Rabuka, e vakaraitaka kina o koya na lolosi ni vanua o Viti ena vuku ni bula era vakayali mai na vakacaca era a vakayacora na kai Palestaina ena nodra sa tekivuna na veivaluvaluti kei Isireli.
Ia,e tukuna talega o Rabuka ni sa qaqa ni masu ni noda vanua oya na nodra maroroi na lewe I Isireli ena gauna dredre era donumaka tiko oqo.
E tomana o koya ni sa veitaratara tiko na noda matanitu kei ira na lewe ni noda vanua era tiko mai Isireli ka sa taura rawa tiko nai lakolako ni Waqavuka koya me na vuka ki Tel Aviv ni mataka ka na veitaratara vei ira na Lewenivanua ena matai lalai ni veika me baleta na nodra lesu mai, ke mani tubu cake tikoga nai valu e yaco tiko mai Isireli.
VITI FM 92/92.2/92.4/92.6FM-E KAMICA QAI KACHI!
I VUREVURE-FIJI VILLAGE.
