SARAVI RATOU MATANA VOTU NA MATASERE NA PARADISE ROOTZ ENA SHOWCASE.
Written by Maria Solomone on June 23, 2023
Matasere na Paradise Rootz
E sa qai dina kina na vosa ya,Edua mai Loli,ka dua mai Lola.
E ratou veisureti tiko na mata i lawalawa na Paradise Rootz veikemuni na lewe ni vanua mo ni na yaco vakalewe levu ena soqo levu ni Fiji Showcase,2023 ka na vakayacori tiko ena Vodafone Arena.
Sa oti e 5 na yabaki,qai mai vakayacori tale na soqo levu qo,ka ratou marau vakalevu ni sa qai sevu ni gauna me ratou mai vaka i tavi kina.
Mai siko na Paradise Rootzs ena VITIFM
Eratou lewena tiko na matasere qo o Benjamin Taka mai Totoya,Lau, o Tom Natera mai Naivaka,Bua kei Aisea Buliruarua mai Nabuna,Koro,Lomaiviti.
E manidia ni matasere e ra cavu tu mai Vanuabalavu,Narocivo,Lau o Setareki Baleirara.
E na rua na siga na nodratou veivakamarautaki ena SHOWCASE,oya ena Vakarauwai na i matai ni siga ni Jiulai kei na Vakarauwai na i ka 8 ni Jiulai.
I curucuru e $4 na qase ka $3 vei ira na gone yabaki 12 lako sobu.
Veisureti ni gole yani kina vakalewe levu.
